રોજની રસોઈમાં વપરાતી કેટલીક વસ્તુઓ સ્વાસ્થ્ય માટે દવા સમાન અસરકારક છે. આવી જ બે વસ્તુનું મિશ્રણ નિયમિત રીતે લેવાથી શરીરની મોટાભાગની સમસ્યાઓ ડોક્ટર પાસે ગયા વિના જ દૂર કરી શકાય છે. આ બે વસ્તુ છે લીંબુ અને આદુ. આ બન્ને વસ્તુઓ નું મિશ્રણ શરીર માટે જાદુ સમાન અસર કરે છે.
આમ તો આદુ અને લીંબુ બંનેને અલગ-અલગ લેવાથી પણ શરીરને લાભ થાય છે. પરંતુ જો બંને વસ્તુનું મિશ્રણ કરીને તેનો ઉપયોગ કરવામાં આવે તો ઘણા રોગોથી મુક્તિ મળી જાય છે. આદુ અને લીંબુની ચા પીવાથી શરીરને ભરપૂર પ્રમાણમાં એન્ટીઓક્સીડેન્ટ અને વિટામિન સી મળે છે.
આ બંને વસ્તુના મિશ્રણનું સેવન કરવાથી શરીરની રોગપ્રતિકારક શક્તિ વધે છે. આ સિવાય પણ શરીરને ઘણા લાભ થાય છે. તેમાં રહેલા ફ્રી રેડીકલ શરીરમાંથી હાનિકારક બેક્ટેરિયાને દૂર કરે છે. જેના કારણે શરીરને રોગ સામે લડવાની શક્તિ મળે છે.
જો પાચનતંત્ર સંબંધી કોઈપણ સમસ્યા હોય તો આદુ અને લીંબુમાં સંચળ ઉમેરીને પીવાનું રાખો. પાણીમાં આદુ અને લીંબુ ઉમેરીને તેનું સેવન કરવાથી ચરબી ઝડપથી ઊતરે છે.
તેનું સેવન કરવાથી યાદશક્તિ પણ વધે છે અને મગજની કાર્યક્ષમતામાં વધારો થાય છે. તેનું સેવન કરવાથી અલ્ઝાઇમર જેવા રોગ થવાની શક્યતા ઘટી જાય છે.
આદુ અને લીંબુનો રસ પીવાથી શરીરનું મેટાબોલિઝમ સુધરે છે જેના કારણે વજન ઝડપથી ઘટે છે. શરીરમાં થતી બળતરાને પણ આ બંને વસ્તુનું મિશ્રણ દૂર કરે છે. નિયમિત રીતે આદુ અને લીંબુ પીવાથી રોગપ્રતિકારક શક્તિ સારી રહે છે જેના કારણે વાઇરલ બીમારીઓથી બચી શકાય છે.
આદુ અને લીંબુ ની ચા બનાવીને પીવાથી શરીરમાંથી ઝેરી તત્વો દૂર થાય છે તેમજ સોજા અને દુખાવામાં પણ મટે છે. આદુ અને લીંબુના મિશ્રણથી માઈગ્રેનનો દુખાવો પણ દૂર થાય છે. માસિક સમયે પેટમાં થતો દુખાવો પણ આ મિશ્રણ દૂર કરે છે.
આ બંને વસ્તુનું મિશ્રણ લેવાથી હૃદય રોગથી પણ બચી શકાય છે. કારણ કે આ બન્ને વસ્તુઓ ધમનીઓમાં રક્ત પ્રવાહને સારી રીતે પ્રવાહિત રાખે છે. તે કોલેસ્ટ્રોલને જામતું અટકાવે છે જેના કારણે હાર્ટ એટેકનું જોખમ ઘટે છે.
આદુ અને લીંબુ દાંત અને પેઢા નું સ્વાસ્થ્ય પણ સારું રાખે છે. લીંબુમાં એસીડીક ગુણ હોય છે જે શરીરના સંતુલનને જાળવી રાખે છે તેનું સેવન કરવાથી લીવરને પણ લાભ થાય છે.
વાળ અને ત્વચા માટે પણ આદુ અને લીંબુનું મિશ્રણ ફાયદાકારક છે. આદુમાં સિલિકોન હોય છે જે વાળનો ગ્રોથ વધારે છે. સાથે જ લીંબુમાં એન્ટિફંગલ ગુણધર્મો હોય છે જે માથામાં ખોડાની અને ત્વચાની સમસ્યાને દૂર કરે છે.