વર્તમાન સમયમાં જો સ્વસ્થ રહેવું હોય તો રોગપ્રતિકારક શક્તિ મજબૂત રહે તે જરૂરી છે. તેના માટે આહારનું સૌથી પહેલા ધ્યાન રાખવું પડે છે. તેવામાં આજે તમને એવી વસ્તુઓ વિશે જણાવીએ જેનું સેવન ખાલી પેટ કરવાથી શરીરને નુકસાન થઈ શકે છે. આ વસ્તુઓમાંથી કેટલીક વસ્તુઓ તો રોજ લોકો ખાલી પેટ લેતા હોય છે. તમને પણ આ આદત હોય તો આજથી જ બદલી દેજો.
1. ટામેટા વિટામીન સી અને એન્ટી ઓક્સિડન્ટથી ભરપુર હોય છે તેનું સેવન કરવું જ જોઈએ પરંતુ ખાલી પેટ ક્યારેય ટામેટા ખાવા જોઈએ નહીં. તે પેટમાં એસિડ જેવું કામ કરે છે અને શરીરને નુકસાન થાય છે. ખાલી પેટ ટામેટા ખાવાથી પેટમાં દુખાવો, અલ્સર જેવી તકલીફ થાય છે.
2. સંતરા, દ્રાક્ષ, લીંબુ જેવી ખાટી વસ્તુ કે ફળનું સેવન પણ ખાલી પેટ કરવું જોઈએ નહીં. આ વસ્તુઓ વિટામીન સીથી તો ભરપુર હોય છે પરંતુ તેનું સેવન ખાલી પેટ કરવાથી પેટની તકલીફો થાય છે.
3. કોલ્ડ્રડ્રિંગના શોખીનો કોઈપણ સમયે તેને પી લેતા હોય છે. પરંતુ કાર્બોનેટેડ ડ્રિંક્સ પણ ખાલી પેટ લેવાથી શરીરને નુકસાન થાય છે. ખાલી પેટ આવા પીણા પીવાથી કેન્સર, હાર્ટની સમસ્યા થઈ શકે છે. તેથી તેનાથી દુર રહેવું જોઈએ.
4. દરેક વ્યક્તિની સવાર ચા અથવા કોફી પીધા પછી જ થાય છે. પરંતુ આ વસ્તુઓ પણ ખાલી પેટ પીવાથી શરીરમાં ઝેર જેવી અસર કરે છે. ખાલી પેટ ચા અને કોફી પીવાથી શરીરમાં એસિડની માત્રા વધી જાય છે. તેનાથી કબજિયાત અને ઉલટી જેવી તકલીફ થાય છે અને પાચનક્રિયા ધીમી પડે છે.
5. કાકડી અને લીલા શાકભાજી પણ ખાલી પેટ લેવા જોઈએ નહીં. તેમાં એમિનો એસિડ હોય છે જે પેટનો દુખાવો, સોજો વગેરેનું કારણ બને છે. આ રીતે મરચાનું સેવન પણ ખાલી પેટ કરવું જોઈએ નહીં. તેનાથી ગેસની સમસ્યા થઈ શકે છે.
6. દૂધ અને કેળા પણ ખાલી પેટ ખાશો તો શરીરને નુકસાન કરશે. દૂધમાં ફેટ અને પ્રોટીન બંને હોય છે તેમાં કેળા ઉમેરીને ખાલી પેટ ખાવાથી તે પેટના સ્નાયૂને નબળા કરે છે. કારણ કે આ વસ્તુઓના કારણે પાચનક્રિયા પર ભાર પડે છે.
7. દહીંનું સેવન પણ ખાલી પેટ કરવું જોઈએ નહીં. ખાલી પેટ દહીં ખાવાથી શરીરમાં એસિડ બને છે જે શરીરને નુકસાન કરે છે.
8. મીઠાઈ પણ ખાલી પેટ ખાવી જોઈએ નહીં. ખાલી પેટ મીઠી વસ્તુઓ ખાવાથી પાચનતંત્ર પર ભાર પડે છે. તેનાથી પાચનતંત્રની કાર્યક્ષમતા પર અસર થાય છે. તેના કારણે શરીરમાં બીમારી પણ વધે છે.